ზუგდიდში საარსებო წყაროების საინფორმაციო ფორუმი გაიმართა

12/11/2019

ზუგდიდში, საარსებო წყაროების საინფორმაციო ფორუმი გაიმართა, სადაც მონაწილე სამთავრობო და არასამთავრობო ორგანიზაციებმა დევნილებს თავიანთი პროგრამები და პროექტები გააცნეს.

საარსებო წყაროების საინფორმაციო ფორუმზე დევნილებს საშუალება ჰქონდათ, ერთ სივრცეში მიეღოთ სასურველი ინფორმაცია სამეგრელო-ზემო სვანეთის რეგიონში მოქმედ საარსებო წყაროების პროგრამების/პროექტების შესახებ.

ფორუმში მონაწილეობდნენ საარსებო წყაროებით უზრუნველყოფის სააგენტოს მიერ დაფინანსებული დევნილებიც, რომლებმაც საკუთარი გამოცდილება გაუზიარეს ღონისძიებაში მონაწილე პირებს.

ღინისშიებაში, საარსებო წყაროებით უზრუნველყოფის სააგენტოსთან  ერთად მონაწილეობას იღებდნენ იძულებით გადაადგილებულ პირთათვის - დევნილთათვის საარსებო წყაროებზე ხელმისაწვდომობის უზრუნველყოფის სტრატეგიის განხორციელების 2018-2019 წლების სამოქმედო გეგმის განხორციელებაში ჩართული სახელმწიფო სტრუქტურებიც. ასევე, ფორუმში მონაწილეობდნენ იმ არასამთავრობო ორგანიზაციების წარმომადგენლები, რომლებიც სამეგრელო-ზემო სვანეთის რეგიონში, საარსებო წყაროების პროექტებს/პროგრამებს ახორციელებენ.

ღონისძიება, საარსებო წყაროებით უზრუნველყოფის სააგენტოს საინფორმაციო კამპანიის ფარგლებში გაიმართა.

Photos